Det er mangel på tilstrekkeleg kompetanse om bruk, utvikling og finjustering av språkmodellar i helse- og omsorgssektoren.
Kompetansen bør difor styrkast både internt i Helsedirektoratet og i heile helse- og omsorgssektoren. Framtidige strategiske avgjerder vil i større grad vere knytt til digital transformasjon og teknologisk utvikling. Difor er det viktig med grunnleggjande kompetanse også blant leiarar knytt til risikoar og gevinstar ved å bruke språkmodellar i helse- og omsorgstenesta.
Moglege tiltak:
- initiere eit fagråd eller nettverk med ekspertar i språkmodellar og helsefag frå helse- og omsorgssektoren og universitets- og høgskulesektoren
- innhente erfaringar frå nordiske og andre land
- arrangere seminarserie om temaet saman med sektor
- arrangere internt arbeidsseminar (workshop) i Helsedirektoratet
- identifisere tiltak for å styrke leiarkompetanse i sektoren
- løfte fram viktige føregangsprosjekt ved hjelp av ein årleg KI-pris for sektoren
- teste ut helsefagleg rettleiing (til dømes RAG) på eit klinisk bruksområde for å skaffe kunnskap om utvikling og bruk av språkmodeller og synleggjere potensielle bruksområde
- basert på erfaringar: utarbeide rettleiingar for finjustering, RAG og andre sider ved utvikling av språkmodellar for sektor
- utvikle og forvalte ei dynamisk oversikt på ei nettside over språkmodell-initiativ i sektoren i Noreg