Språkmodellar kan bidra til automatisk generering av utkast og samandrag til klinisk bruk, t.d. epikrisar i spesialisthelsetenesta og tilvisingsrapportar frå fastlegar[42]. Det finst allereie løysingar i Noreg i dag som i tillegg genererer slike samandrag basert på taleteknologi[43]. Løysinga vil kome med eit forslag til ein epikrise som helsepersonell kan kvalitetssikre og eventuelt justere før utsending. Dette bruksområdet kan lette den kliniske byrden for helsepersonell.
Epikrisar blir også lesne av pasientar, som kan ha vanskar med å forstå den medisinske terminologien. Bruk av språkmodellar kan nyttast til å lage ein (parallell) versjon av epikrisa med eit språk som er lettare forståeleg for lekfolk (sjå punkt 3.10).