Pilotkommunane
Seks kommunar har delteke i ein pilot: Bø i Vesterålen, Senja Steinkjer, Kinn, Suldal og Asker.
Piloten har handla om å omsetje innhaldet i den nasjonale rettleiaren «Oppfølging av personar med store og samansette behov» til praksis i kommunane.
Sintef har på oppdrag frå Helsedirektoratet evaluert piloten gjennom fem år, og sluttrapporten "Struktur og fleksibilitet i oppfølging og koordinering" er no publisert. Evalueringa har hatt som mål å vurdere måloppnåinga av tiltaka i piloten og etablere eit erfaringsgrunnlag for andre kommunar, Piloten har gitt verdifulle innsikt i korleis kommunar kan løyse utfordringar med koordinering og samarbeid på tvers gjennom å systematisk innarbeide tverrfaglege team som generisk arbeidsform og samtidig sikre etterleving av lovkrav.
Suksessfaktorar
I evalueringsrapporten peikar Sintef på følgjande suksessfaktorar
- Sterk forankring av utviklingsarbeidet i ein kompetent, tverrfagleg koordinerande eining, som har eit tydeleg mandat
- Involvering og tiltak frå toppleiinga
- Involvering av alle relevante tenesteområde (ikkje berre helse)
- Leiarnettverk og workshops på tvers av tenesteområde
- System for opplæring (leiarar, koordinatorar, andre tilsette) og system for koordinatorstøtte
- Strukturert tverrfagleg oppfølgingsteam